TALENTO FIC

Triunfos que inspiran

O equipo feminino PixelPixies, formado por Ana Cives, Inés González e Paula Miragaya, estudantes do Grao en Ciencia e Enxeñaría de Datos da FIC, gañan a IV edición do HPE CDS Tech Challenge. Tras seis meses de desafíos, vencen no reto final cunha innovadora solución de xestión urbana sostible.

Neste prestixioso hackathon de 25 horas ininterrompidas de duración, celebrado en Las Rozas (Madrid) o 26 e 27 de abril, participaron 76 equipos de 26 universidades e centros de Formación Profesional de toda España. Os cinco equipos finalistas representaron á Universidade de Deusto, a Universidade Francisco de Vitoria de Madrid (UFV), a Universidade Loyola de Sevilla, a Universidade de Castela-A Mancha (UCLM) e a Universidade da Coruña (UDC).

A décima edición do Premio ao mellor TFG aplicado da FIC tivo lugar o venres 25 de abril durante a VI Feira de Prácticas e de Emprego da facultade. As persoas gañadoras desta edición, no Grao en Enxeñaría Informática, son Pablo Páramo Telle (primeiro premio) e Alejandro Buján Pampín (accésit) e, no Grao en Ciencia e Enxeñaría de Datos, Carlota Vázquez Arrojo (primeiro premio) e Carmen Lozano López (accésit).

Os premios foron patrocinados polas empresas Aldaba, NTTT Data e Sngular, a través das súas cátedras institucionais, e contaron coa colaboración da FUAC e do CITIC.